|
Kläh vunn Wuchs,
Kaum groß wie`n Meter,
Gerisse wie`n Fuchs
War unser Blumepeter.
Breet war soi Nas,
Soi Gsicht war noch viel breeder,
Soi Bäh so krumm wie bei`me Has,
So war der Blumepeter.
Die Kapp dief in
de Kopp gedrickt,
Unn mit verflickte Kleeder,
Is jeden Owend augerickt,
Der gude Blumepeter.
Soi Gosch war
scharf als wie e Schwert,
Unn oft mit viel Gezeder
Is ständisch dorch die Nacht geerrt,
Der schlaue, klääne Peter.
Am linke Arm `s
Kerwl voll Blume,
Des weeß heit fascht noch jeder,
So issa an die Wertsdisch kumme,
Der klääne, scheppe Peter.
Bekannt war er in
Schtadt unn Land,
So gut wie`n roder Keeter,
Mi`m Veilchestraißl in de Hand,
De Mannemer Blumepeter. |
